Kryetari i Prishtinës Shepnd Ahmeti në profilin e tij në facebook ka treguar se dje ka nënshkruar Memorandum Mirëkuptimi me drejtorin e Agjensionin Zhvillimor të Shteteve të Bashkuara të Amerikës USAID James Hope, lidhur me projektin për Komuna Transparente, Efektive dhe Llogaridhënëse.

Ai ka shkruar se për shkak të rezultateve të treguara dhe vullnetit politik për mirëqeverisje dhe llogaridhënie, Komuna e Prishtinës është përzgjedhur brenda këtij projekti.

Ja postimi i tij i plotë në facebook :

Memorandum Mirëkuptimi me USAID

Dje, nënshkruam Memorandum Mirëkuptimi me drejtorin e Agjencionin Zhvillimor të Shteteve të Bashkuara të Amerikës USAID James Hope, lidhur me projektin për Komuna Transparente, Efektive dhe Llogaridhënëse (Transparent, Effective, And Accountable Municipalities – TEAM).

Për shkak të rezultateve të treguara dhe vullnetit politik për mirëqeverisje dhe llogaridhënie, Komuna e Prishtinës është përzgjedhur brenda këtij projekti. Do të bashkëpunojmë me kontraktorin e USAID-it, DAI, ashtu që të vazhdohet me transparencë, efektivitet dhe llogaridhënie në prokurim, auditim të brendshëm, menaxhim financiar, dhe menaxhim të burimeve njerëzore./Arbresh.info/