Kreu i Komunës së Prishtinë, Shpend Ahmeti ka kërkuar nga qeveria,  që të formulojë strategji kontingjente (pra, në rast se ndodhë kjo, atëherë) për shfrytëzimin e hapësirave tjera në Republikën e Kosovës për hospitalizim.

Sipas tij, javën e kaluar kjo komunë ka urdhëruar dezinfektimin e disa hapësirave të mëdha që mund të shërbejnë për shtrirje të pacientëve në rast të mbipopullimit të QKUK./arbresh.info

Postimi i plotë:

Javën e kaluar si Komunë kemi urdhëruar dezinfektimin e disa hapësirave të mëdha që mund të shërbejnë për shtrirje të pacientëve në rast të mbipopullimit të QKUK.

Këtë e kemi bërë me vetiniciativë duke mos dashur të presim nivelin qendror për kërkesë të tillë duke ditur ngarkesën. Në dispozicion i kemi edhe rreth 60 krevate që mund të vihen në përdorim.

I bëjmë thirrje nivelit qendror që të formulojë strategji kontingjente (pra, në rast se ndodhë kjo, atëherë) për shfrytëzimin e hapësirave tjera në Republikën e Kosovës për hospitalizim

E ne shpresojmë që kurrë mos të kemi nevojë me u përdorë ato.

#rriNshpi #skaprioritettjeter