Menjëherë pasi u shkarkua nga pozita e zëvendësministrit të FSK-së, Agim Çeku ka folur ekskluzivisht për arbresh.info.

Çeku ka thënë se e pranon vendimin për shkarkim.

“Është vendim i partisë, ai që më ka emëruar mundet edhe me më shkarku”, ka thënë ai.

Por sipas tij aktakuza e ngritur ndaj tij nuk ka të bëj me korrupsionin.

“Ai i ka shpall luftë korrupsionit por aktakuza ime nuk ka të bëjë asgjë me korrupsion as me nepozitën por është vendim dhe unë duhet me e respektu”, ka shtuar ai.

E sipas tij për këtë shkak nuk pajtohet me etiketimin që i është bërë.

“Unë nuk pajtohem me etiketin pasi nuk kam akuzë të tillë, unë kam të ngritur një aktakuzë dhe unë po i përgjigjem asaj po shnosh”, ka thënë Çeku.

Ndryshe kryetari i Partisë Demokratike të Kosovës, Kadri Veseli pasditen e së mërkurën në një konferëncë për medie ka bërë të ditur se ka liruar nga pozitat të gjithë zyrtarët e PDK-së të akuzuar për korrupsion e nepotizëm.

E në mesin e tyre janë edhe ministri i Inovacionit dhe Ndërmarrësisë, Besim Beqaj, zëvendësministri i FSK-së Agim Çeku dhe Nijazi Kryeziu, të cilët janë në procese gjyqësore./arbresh.info/