Kryetari i komunës, Agim Bahtiri, ka emëruar shtatë drejtorët e rinj të drejtorive komunale, vende këto të lira që kishin mbetur pas shkarkimit të drejtorëve të deritashëm.

Nga shtatë drejtorët e rinj, katër janë të partnerit të deritashëm qeverisës, LDK, dy janë të AKR-së dhe një i PD-së.

Pajazit Hajzeri është emëruar drejtor i Drejtorisë së Arsimit, Tafil Peci, drejtor i Drejtorisë për Kulturë, Rini dhe Sport, Muhedin Osmani, drejtor i Drejtorisë së Shëndetësisë dhe Qazim Nimani, është emëruar drejtor i Drejtorisë për Mirëqenie Sociale dhe Integrime Evropiane.

Në drejtorinë e prokurimit është emëruar drejtor Jeton Ujkani, në atë të Kadastrës dhe Pronës, Egzon Jashari dhe në Drejtorinë e Ambientit dhe Pyjeve, drejtor është emëruar, Saad Gashi.

Disa nga drejtorët e emëruar kanë filluar sot punën, ndërsa të tjerët do të fillojnë të martën, më 06.10.2015.