250 mijë euro në pastrim.

Kjo është shuma që së fundi ka vendosur të shpenzoj komuna e Ferizajt.

E me këtë shumë i pari i Ferizajt, Agim Aliu ka planifikuar të pastrohen objekti i komunës dhe institucionet tjera që  funksionojnë në kuadër të Komunës.

Pastrimi do të bëhet për periudhën dy vjeçare, shkruan arbresh.info.

Kështu bëhet e ditur në njoftimin e  bërë publik në faqen e Komisionit Rregullativ të Prokurimit Publik.

Por në këtë njoftim nuk tregohen për numrin dhe cilat janë institucionet tjera që do të përfshihen në këtë kontratë.

E aty thuhet se shuma prej 250 mijë euro do të ndahet nga të buxheti i komunës.

Fillimisht hapja e tenderëve është bërë më 12 tetor të 2018-es ndërsa ishin pranuar 6 tenderë e vetëm një ishte klasifikuar si i përgjegjshëm.

Grupi i Operatorëve Ekonomik: ” SKYFTERAT – LIVE ” SH.P.K.; N.SH.H.”ZONA PARK” të cilët kishin ofruar çmimin prej 249 mijë e 680 euro kishin dalë fitues.

Nënshkrimi i kontratës është bërë më 24 dhjetor të vitit që lamë pas./Arbresh.info