Afrim Mulliqi rizgjedhet kryetar i Ballit Kombëtar

17:16 | 20 Qershor 2015
M. A.

Balli Kombëtar ka mbajtur konventën e partisë ku Afrim Mulliqi, është rizgjedhur kryetar. Aty u tha se Balli Kombëtar po nis një etapë të re, andaj u kërkua që të gjithë personalitetet që kanë qenë pjesë e kësaj lëvizje t’i bashkohen sërish.

Të pranishmit i përshëndeti mysafiri nga Shqipëria, Adriatik Alimadhi, i cili tha se sot Balli Kombëtar nuk është në një gjendje që ka një përkrahje të vogël por ftoi të gjithë që t’i bashkohen etapës së re të kësaj lëvizje.

Kurse, Afrim Mulliqi, pasi u rizgjedhë në postin e kryetar, premtoi se Balli Kombëtar do të ndryshojë dhe do të angazhohet në luftimin e dukurive që po dëmtojnë shoqërinë tonë.

Ai shtoi se do të angazhohet për respektin e të drejtave të lirisë së njeriut por edhe për një sistem të sigurisë me një profesionalizëm.