Kryetari i Lidhjes Demokratike të Kosovës (LDK), Lumir Abdixhiku ka nderuar të rënët nga Beteja e Koshares.

Abdixhiku me anë të një postimi në Facebook ka thënë se em aktin e thyerjes së kufiirit shqiptar, djemtë dhe vajzat e Ushtrisë Çlirimtare nisën një ndër përballjet më të lavdishme shqiptare të shekullit të 20-të, shkruan Arbresh.info.

“Akti i tyre i trimërisë, më tepër se simbolikë e thyerjes së një muri pushtimi, ishte frymëzim për rrugëtimin tonë drejt lirisë. Triumfi ushtarak i Koshares, ishte kushtrim për të gjithë shqiptarët.”, ka shkruar ai.

“Sot, nderojmë gjithë të rënët; falënderojmë gjithë të gjallët. Sot, kujtojmë të 113 heronjtë e Koshares dhe sakrificën e tyre mbi altarin e lirisë. Agimi, Saliu, Abazi, Xhemajli, Aliu me secilin tjetër të rënë, na kujtojnë se sa rëndë peshon liria, se mbi çfarë sakrifice të shtrenjtë të djemve e vajzave të UÇK-së – gjeneratat e sotme e përjetojnë shtetësinë.”, ka shtuar Abdixhiku.

“Sot, kujtojmë dhe nderojmë po ashtu francezin Paillard Arnaud Pierre, algjerianin Murad Muhammad Ali e italianin Francesco Giuseppe Bider. Familjarët e Francesco Giuseppe Bider patëm nderin t’i takojmë sot pran varit të tij. Me mburrje, i vëllau, na tregoj dhe kapelën ushtarake të gjyshit e babait të tij; që qëndronte pranë një plisi shqiptar – si trashëgimi familjare. Francesko ishte vullnetar në Koshare. Ai ra, për lirinë tonë e breznive që vijnë! ”, tha mes të tjerash ai.

Kreu i LDK-së u shpreh se të rënët, kjo lavdi e kjo sakrificë, është shenjë e vazhdueshme rikujtimi se çdo ditë e jona sot, është detyrim shërbimi ndaj atdheut tonë të shenjtë – Kosovës.

“Lavdi dëshmorëve!”, përfundoi ai./Arbresh.info/