Kryetari i Lidhjes Demokratike të Kosovës, (LDK), Lumir Abdixhiku, ka takuar sot ambasadorin e Suedisë në Kosovë, Jonas Westerlund.

Abdixhiku e Westerlund folën për situatën politike në vend, ku theks të veçantë patën relacionet e Kosovës me aleatë.

“U ritheksua qëndrimi i LDK-së karshi kësaj situate; ndërsa kryetari Abdixhiku shpalosi idenë dhe iniciativën e tij dhe të LDK-së për aktivitetin gjithëpërfshirës me gjithë akterët në vend që formojnë dhe kanë ndikim në opinionin publik (takime konsultative me gazetarë dhe opinionistë, shoqëri civile, profesorë, diplomatë dhe ish-diplomatë si dhe biznese) dhe akterë tjerë të shoqërisë tonë që besojnë në rrugëtimin euroatlantik të Kosovës”,thuhet në njoftimin e LDK-së.

Më tej, bëhet e ditur se gjatë takimit u fol edhe për aktivitetet e LDK-së dhe mundësitë e bashkëpunimit./Arbresh.info/