Kryetari i Lidhjes Demokratike të Kosovës, Lumir Abdixhiku ka mbajtur sot një tubim në fshatin Pozharan të Vitisë.

Përmes një postimi në Facebook, Abdixhiku u ka kërkuar falje qytetarëve të Pozharanit të cilët mbetën jashtë sallës ndërsa i ka falënderuar për durimin dhe mbështetjen, përcjell Arbresh.info

“Qytetarëve të shumtë të Pozharanit, që mbetën jashtë salle sonte, u kërkojë falje! Ju falemnderit për durimin që kishit, e mbi të gjitha, ju faleminderit nga zemra për mbështetjen e madhe që na dhatë edhe në këtë fshat të Vitisë. I ftova në tubimin hapës më 11 janar”, ka shkruar kandidati për kryeministër nga LDK.

“Salla ishte e mbushur përplot; e duartrokitjet, brohoritjet dhe mbështetja e atyre brenda e jashtë na tregojnë qartë se sa të fortë jemi sot! Si në çdo takim, dhe këtu në Pozharan gjetëm shtytjen e nevojshme për rrugën përpara! Le të qëndrojmë kështu bashkë deri në festën tonë të madhe, nga 11 janari deri më 9 shkurt e tutje! Lidhja është në këmbë”, ka shkruar Abdixhiku./Arbresh.info