Analisti Lumir Abdixhiku thotë se Asociacioni i Komunave serbe ka të gjitha elementet e një entiteti autonom.

Në rrjetin Facebook, Abdixhiku ka shkruar se Asociacioni kalon Pakon e Ahtisaarit.

Sipas tij, Asociacioni ka qëllime të varësisë së saj, të pengimit të saj, të refuzimit të saj dhe se, siç thotë ai, Republika nuk i ka afruar refuzuesit e saj, ajo veçse i ka fuqizuar ata.

Ja shkrimi i tij i plotë:

Me kompetenca të plota e të pavarura në ekonomi, shëndetësi, edukim, dogana, polici, gjyqësor, buxhet e territor – me shërbyes civil e aspak joqeveritarë, me Kuvend, Kryetar e identitet të veçantë – Asociacioni ka të gjitha elemente e një entiteti autonom.

Asociacioni pra, është, në verzionin më të thjeshtë, një model i autonomisë së gjërë në Kosovë. Së paku është modeluar për të funksionuar si i tillë; dhe kështu ai, padyshim, kalon Pakon e Ahtisaarit. Përputhja me ligjet e Kosovës, sado lajm i mirë, nuk e zbutë shumë këtë fakt. Është përmbajtja dhe qëllimi çfarë ka rëndësi.

E sikur Asociacioni të kishte qëllime të pro-Republikës e pro-pavarësisë, atëherë ndoshta dhe do të bënte kuptim. Por nuk ka. Ka qëllime të varësësisë së saj, të pengimit të saj, të refuzimit të saj – prandaj dhe bën një lajm jo të mirë për vendin. Me Asociacion, Republika nuk i ka afruar refuzuesit e saj, ajo veçse i ka fuqizuar ata.(sic)