AAK: Pas raportimit, evitohen parregullsitë nga institucionet përgjegjëse

16:33 | 19 Nëntor 2017
Arbresh.info

Aleanca për Ardhmërinë e Kosovës ka mbajtur konferencën e radhës për zgjedhjet e balotazhit.

Meliza Haradinaj- Stublla nga AAK ka thënë se është një lajm i mirë për Kosovën se zgjedhjet kanë shënuar progres.

Sipas saj, janë shënuar disa parregullsi gjatë ditës së sotme, duke shtuar se ato pas raportimit, janë evituar.

“Disa parregullsi janë raportuar me kohë dhe janë evituar nga institucionet përgjegjëse. Qytetarët e vendit i përgëzojmë për një proces të qetë, demokratike dhe mbi të gjitha të civilizuar dhe vlerësojmë lartë mbarëvajtjen e institucioneve. Secila votë e ka vlerën e vet dhe peshën e saj katër vjeçare dhe secili duhet ta shfrytëzojë këtë mundësi. Ftojmë qytetarët ta shfrytëzojnë këtë të drejtë për të votuar”, ka thënë Haradinaj-Stublla.