Aleanca për Ardhmërinë e Kosovës(AAK), kërkon që ministri i Shëndetësisë, Arben Vitia të raportojë para Komisionit për Shëndetësi të Kuvendit të Kosovës.

Kështu tha të martën shefi i Grupit Parlamentar të AAK-së , Besnik Tahiri, pas mbledhjes së Kryesisë së Kuvendit,shkruan arbresh.info.

Ai u shpreh se ministri Vitia duhet të raportojë se pari në komisionin për shëndetësi e pastaj në Kuvend.

” Sot u vendos që të hënën të këtë një seancë ku do të diskutojmë për menaxhimin e pandemisë. Ne si Aleancë kemi kërkuar që ministri Vitia të ketë një raportim para Komisionit për Shëndetësi, para se të mbahet debati në seancën e Kuvendit”, tha Tahiri.

Ai, foli edhe për letrën e Presidentit të SHBA-së, Joe Biden drejtuar Presidentes së Republikës së Kosovës, Vjosa Osmani, në të cilën flitet për kompromis në dialog me Serbin.

Ai, tha se Kosova ka bërë mjaft kompromise deri tash.

” Çështja e dialogut është çështje e qeverisë. Kërkesa jonë është që qeveria në merret me sigurimin e vaksinave dhe menaxhimi i pandemisë, ndërsa lidhur më çështjen e dialogut, duhet ta merr përsipër qeveria, pastaj për kompromise ato kanë ndodh më herët”, përfundoi Tahiri para medieve./arbresh.info/