Sot shënohet 24-vjetori i betejës së Gllogjanit, e njohur ndryshe si “Epopeja e Dukagjinit” që u zhvillua më 24 mars 1998, ku Ushtria Çlirimtare e Kosovës nën udhëheqjen e Ramush Haradinajt i bëri ballë rrethimit të forcave pushtuese serbe në Gllogjan.

E kryetari i Aleancës për Ardhmëninë e Kosovës (AAK), Ramush Haradinaj në këtë ditë të veçantë ka nderuar Gazmendin, Himën e Agronin e të gjithë ata që përjetësisht mbesin frymëzimi më i madh i dashurisë për kombin, shkruan arbresh.info

Postimi i tij i plotë:

Çdo ditë e jetës së shqiptarëve është e mbushur me kujtime për heroizmin, sakrificën kulmore në shërbim të Atdheut dhe kombit.

Sot, me 24 mars, nderojmë Gazmendin, Himën e Agronin, dhe të gjithë ata që përjetësisht mbesin frymëzimi më i madh i dashurisë për kombin. Po ashtu, kujtojmë 24 marsin kur nisi t’i ipej fund regjimit të egër të gjenocidit dhe spastrimit etnik.

Të rënëve dhe secilit që dha nga jeta e tij për Atdheun dhe lirinë, faleminderit.

Aleatëve tanë, të prirë nga Shtetet e Bashkuara të Amerikës, faleminderit.

Faleminderit përjetësisht! / arbresh.info/