Ministri për Bashkëpunim Regjional të Izraelit, Esawi Frej, dhe ministri i Administrimit të Pushtetit Lokal, Elbert Krasniqi, e kanë vizituar sot Shoqatën Handikos, të cilës me këtë rast i janë ndarë 93 karroca.

Ministri Krasniqi nënvizoj se ky donacion është mëse i nevojshëm për këtë shoqatë, marrë parasysh nevojat dhe sfidat e fëmijëve të Republikës së Kosovës.

Ndërsa, ministri Frej theksoi se ndjehet i lumtur që në emër të shtetit të Izraelit ka mundësi që të ndihmon shoqatën Handikos me karroca të cilat do të shërbejnë për nevoja e fëmijëve.

Të dy ministrat u pritën nga përfaqësues të shoqatës Handikos, të cilët i falënderuan për vizitën e tyre dhe për donacionin e dhuruar.

Vizita e delegacionit të Izraelit në Kosovë është e para e këtij lloji e cila sot përmbyllet, me idenë e vazhdimit të bashkëpunimit në të ardhmen edhe në sfera tjera./arbresh.info/