Kreu i Prishtinës, Shpend Ahmeti ka treguar një ngjarje që i ka ndodhur gjatë një vizite në QKMF.

Ai ka treguar se ka takuar një qytetarë rreth moshës 75 vjeçare e cila e ka falënderuar për biletat e autobusit për të cilat tashmë pensionistët nuk kanë nevojë të paguajnë.

Ky gjest, sipas Ahmetit e ka motivuar atë që të punojë edhe më shumë.

Lexoni statusin e plotë të tij:

Gjatë një vizite në QKMF në shkallë takova një qytetare të moshuar rreth 75 vjeç. Kishte ardh për tu kontrolluar dhe pasi më vërejti mu drejtu: A je ti ai i komunës, ai Shpendi a qysh e ki emrin? I thashë po. “Na keni pshtu me qato bileta të autobusit falë që na i keni bo, na keni pshtu”.

Komuna e Prishtines ka shumë probleme e edhe qytetarët kanë shumë halle. Por, më bëri shumë përshtypje qysh një send shumë i lirë për komunen ka shumë ndikim për dikënd, në këtë rast nje biletë 40 cent për një penzioner. E të tilla gjëra ka shumë, prej certifikatave, ndonjë kontrolli shëndetësor e deri te mbulimi i shpenzimeve të varrimit.

Shumë punë të komunes te plakin para kohe, por shpërblimet shpirtërore si kjo ta zgjasin motivimin për punë shtesë.