“Tradhëti”, kështu e cilëson kryetari i Podujevës, Shpejtim Bulliqi, largimin e deputetes Doarsa Kica-Xhelili nga Lëvizjea Vetëvendosje.

Madje ai mendon se largimi i saj nuk do të jetë rasti i fundit.

Por thotë se është mirë të përmbyllet mandati i deputetit në partinë përmes të cilës e ka fituar mandatin.

“Besoj që s’ka me qenë edhe e fundit. Por do të ishte mirë që me mujt me pas mundësi me prit që qat vullnet qytetar që e merr prej një subjekti politk, me e përmbyll si proces…por jo me shku vullnetin qytetar të një subjekti politik me bart te subjekti tjetër politik, sepse pak a shumë në syrin tonë paraqitet si tradhëti”, tha ai në Tëvë 1.

Largimi i Doarsa Kica-Xhelilit nga Lista Guxo ka ngjallur reagime të shumta.

Nuk dihet e ardhmja e saj politike, por është raportuar se Lidhja Demokratike e Kosovës do të jetë destinacioni i ardhshëm i deputetes.