Ad Banner
Ad Banner
Ad Banner
Ad Banner

6 mijë nxënës të Luginës së Preshevës, nisën sot vitin e ri shkollor

17:51 | 1 Shtator 2022
Gita

Në 15 shkolla me mësim në gjuhën shqipe në Luginën e Preshevës, sot e ka nisur viti i ri shkollor.

Mësimin në këtë rajon e zhvillojnë 4 mijë e 10 nxënës të shkollave fillore dhe rreth 2 mijë të shkollave të mesme.

Edhe ky vit shkollorë ka nis me një urdhëresë të Ministrisë së Arsimit të Serbisë, që në orën e parë të mësimit të intonohet himni shtetëror serb.

Urdhri nuk është mirëpritur nga drejtorët e shkollave me mësim në gjuhën shqipe.

Viti shkollor 2022 /2023 ka nis me sigurimin librave mësimor për nxënësit e shkollave fillore.

Por, për ata të shkollave të mesme ende nuk ka tekste, ndërsa nëpër disa shkolla ka rënie të numrit të nxënësve.

Gjatë dekadës së fundit numri i nxënësve shqiptarë nëpër shkollat e Luginës është zvogëluar në mënyrë drastike.

Ndërkohë, për më shumë se tri dekada nxënësit në këtë rajon mësojnë pa tekste mësimore, meqë Serbia nuk lejon librat shqip nga Republika e Kosovës./rtk

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm