Një 36 vjeçar është arrestuar sot në Prishtinë pasi dyshohet se ka marrë mbi 71 mijë euro kredi me dokumente të falsifikuara.

Policia e Kosovës njofton se i dyshuari Sh.Sh kishte marrë me lizing edhe veturën BMW X7, veturë e cila të njëjtit i është konfiskuar.

“Gjatë veprimeve hetimore, janë siguruar dëshmi se i dyshuari Sh.Sh., (viti i lindjes 1987, mashkull kosovar),  gjatë procedurave të kredi-marrjes, ka paraqitur dokumente si: letërnjoftimin, patentë-shoferi, gjendjen e llogarisë bankare, kontratën e punës dhe kontratën e qirasë,  të cilat dokumente është vërtetuar se janë të falsifikuara. I dyshuari ka arritur të marrë aprovimin për kredi në shumën prej 71,250 €uro. I dyshuari pasi që i është aprovuar lizingu nga institucioni bankar, i njëjti e kishte në posedim veturën BMW X7 të cilën e kishte pranuar me lizing për shumën e lartcekur. Pasi është bërë identifikimi i të dyshuarit, nga zyrtarët e institucionit bankar, vetura i është marrë personit të dyshuar”, thuhet në njoftimin e Policisë.

Atij i është iniciuar rasti “Falsifikim i dokumenteve” dhe “Mashtrim.

I dyshuari  me aktvendim të prokurorit kujdestar dërgohen në mbajtje deri në 48 orë./Arbresh.info