Banorët e fshatit Orllan të Podujevës kanë protestuar sot rreth Liqenit të Batllavës duke kërkuar ujë të pijshëm dhe po ashtu furnizim 24 orë me ujë për fshatin e tyre në të cilin shtrihet liqeni i cili furnizon disa qytete me ujë.

“Pranë ujit por të etur” ishte mesazhi kryesor i banorëve të fshatit që ka 300 shtëpi, shkruan arbresh.info.

Banorët kanë thënë se ata kanë bazenë e puseta nëpër oborrët e shtëpive të tyre mirëpo ai ujë siç thanë ata, nuk është i pijshëm.

“Ne i kemi pusat dhe bazenat nëpër shtëpinë tona por ju lutem a pihet ai ujë. Ai ujë është prej mineraleve të minierës e cila për fat e kemi këtu afër”, ka thënë njëri prej banorëve.

Protesta e banorëve të fshatit Orllan ka përfunduar e qetë pas marshimit për gati një orë në rrugën rreth Liqenit të Batllavës./Arbresh.info.