Ministri i Bujqësisë, Faton Peci, e ka cituar një qytetar në Pejë, Mitar Blagojevic, rreth një toke: “Kurrë në jetë nuk kam pasë tokë vetëm kur e pash që mi kanë bartur 10 hektarë”.

Ai ka njoftuar se kjo pronë i është kthyer shtetit.

“Pronës shtetërore i kthehen afro 10 hektarë të tjerë të tokës së tjetërsuar, në afërsi të Kullës së Ministerit në Pejë (Qyshk).”

Falsifikatorët, tjetërsuesit dhe zhvatësit e shoqërisë civile kishin tjetërsuar hapësirën, sipas tij, duke e vazhduar traditën e njohur të tjetërsimit të pronës shtetërore, ka shkruar Peci.

“Falsifikatorët, tjetërsuesit dhe zhvatësit e shoqërisë kosovare, kishin tjetërsuar hapsirën prej 9,6 hektarë, duke vazhduar kështu traditën tashmë të njohur të tjetërsimit të pronës shtetërore, në këtë rast tek pjestari i komunitetit serb Mitar Blagojevic.”