Lëvizja Vetëvendosje ka mbajtur konferencë për medie ku ka kritikuar Qeverinë e Avdullah Hotit për pjesëmarrjen në Uashington dhe për marrëveshjen e nënshkruar atje.

Besnik Bislimi nga Lëvizja Vetëvendosje, tha se Hotit në Uashington iu murr goja dhe nuk e tha asnjë fjalë për interes të vendit.

“Delegacioni i Kosovës thanë se po shkojnë pa platformë.  Vetëm për normalizim ekonomik, Hoti qytetaret i mashtronte se po shkonte vetëm për njohje. Hoti përfundoj me një grup që ekonominë nuk e njeh. Tha qe nuk do të bisedojnë për Ujmain por përfundoj duke nënshkruan çdo dokument që ju vendos përpara. Iu murr goja dhe nuk e tha asnjë fjalë për interes të vendit”, tha ai.

Sipas tij nuk ekziston as edhe një studim i vetëm se problemi mes Kosovës dhe Serbisë ka qenë tek ekonomia.

“Nuk ekziston as edhe një studim i vetëm se problemi mes Kosovës dhe Serbisë ka qenë tek ekonomia. Serbia ka tentuar në vazhdimësi resurset e pasura të Kosovës ti bëje pjesë të dialogut.  Pra problemi Kosovë-Serbi nuk ka qenë e munguar nga mungesa e bashkëpunimit ekonomik. Kosova njihet si vendi me mungese me te madhe te ujit, shumë dëme për Kosovën për pak përfitime për palën serbe. Është e qartë se asnjë nga këto pika që janë nënshkruar nuk i sjellin ato çka janë premtuar”, ka thënë ai.

Edhe, Valon Murati nga VV, tha se të gjithë e dine se problemin me Serbinë nuk e kemi pasur ekonomik asnjëherë.

Murati tha se në Uashington përfunduan duke nënshkruar gjana që vet i kishin kundërshtuar.

“Thanë se marrëveshjen do ta [pranojmë vetëm nëse ka konsensus të plotë, dhe të gjitha këto i shkelen. Ata përfunduan duke nënshkruar edhe gjana që vet i kishin kundërshtuar si puna e minishëngenit. Të gjithë e dine se problemin me Serbinë nuk e kemi pasur ekonomik asnjëherë. Të gjitha ato nënshkrime  i shkojnë për shtati Serbisë”, tha Murati./arbresh.info/