Policia e Kosovës ka njoftuar se është arrestuar një person në Lipjan që i njëjti me veturën e tij ka  goditur  qëllimisht dy burra, e më pas i dyshuari ka dalë  nga  vetura me  një  kaçavidë në  dorë  dhe  ka  tentuar të  godas njërin nga  viktimat e shtrirë  në  tokë.

Sipas njoftimit, njëri nga zyrtarët policor,  gjatë  ndërhyrjes ka shtënë në ajër  dy herë  me  armë  zyrtare, kështu që situata  është  futur  në kontroll, shkruan Arbresh.info.

Policia bën të ditur se rasti ka ndodhur dje rreth orës 15:42.

“VRASJE E RËNDË NË TENTATIVË/SHKAKTIM I RREZIKUT TË PËRGJITHSHËM Lipjan 19.02.2024-15:42. Është arrestuar i dyshuari mashkull kosovar pasi që, i njëjti  me  veturën e tij ka  goditur  qëllimisht dy viktimat meshkuj kosovarë, e më pas i dyshuari ka dalë  nga  vetura me  një  kaçavidë në  dorë  dhe  ka  tentuar të  godas njërin nga  viktimat e shtrirë  në  tokë. Një nga zyrtarët policor,  gjatë  ndërhyrjes ka shtënë në ajër  dy herë  me  armë  zyrtare, kështu që situata  është  futur  në kontroll.”, thuhet në raportin 24 orësh të policisë.

Viktimat janë dërguar në  QKUK- për tretman mjekësor, ndërsa në vendin e ngjarjes kanë dalë të gjitha njësitet përkatëse.

Ndërkaq me vendim të  prokurorit i dyshuari është dërguar në mbajtje./Arbresh.info/