Ad Banner
Ad Banner
Ad Banner
Ad Banner

29 vatra zjarri në 8 orët e fundit, 12 ende aktive: AME apelon për kujdes të shtuar

16:14 | 26 Korrik 2025
E.K

Temperaturat e larta dhe erërat e forta kanë përkeqësuar situatën me zjarre në vend, ka njoftuar Agjencia e Menaxhimit Emergjent (AME).

Siç njofton AME, vetëm në 8 orët e fundit janë regjistruar 29 vatra zjarri në gjithë territorin e Kosovës. Deri tani, 17 prej tyre janë lokalizuar, ndërsa 12 vatra vazhdojnë të jenë aktive.

“Apelojmë te qytetarët të mbajnë kujdes të shtuar, të mos ndezin zjarre në ambiente të jashtme dhe të lajmërojnë menjëherë zjarrëvëniet në numrat emergjent 112, 193 dhe 192!”, thuhet në njoftim.

Agjencia ka bërë të ditur se është në gatishmëri të plotë 24/7, së bashku me Njësitë e Zjarrfikjes dhe Shpëtimit dhe Policinë e Kosovës.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm