Policia e Kosovës ka ndaluar një 21 vjeçar, i cili dyshohet për mbajtje në pronësi, kontroll ose posedim të pa autorizuar të armës.

Sipas zëdhënëses së Policisë së Kosovës për rajonin e Prishtinës, Flora Ahmeti, i dyshuari A.O, 21 vjeçar është ndaluar rreth orës 11:00 sot gjatë ditës në rrugën “Bill Klinton” në Prishtinë, shkruan arbresh.info.

“Policia e Rajonit të Prishtinës, respektivisht zyrtarët e Njësitit për Reagim të Shpejtë, sot rreth orës 11:00, kanë ndaluar një veturë të tipit Porsche, në rrugën

“Bill Klinton” Pas një kontrolli të detajuar që i është bërë personit dhe veturës, policia ka arritur që të gjej dhe të sekuestroj: -një (1) revole të tipit TT , si dhe -8 fishekë”, ka thënë Ahemeti.

I njëjti sipas saj, është shoqëruar në stacionin policor dhe ndaj tij është iniciuar rasti.

I dyshuari A.O, mashkull 21 vjeç, shtetas i Republikës së Kosovës, është shoqëruar në stacionin policor dhe ndaj tij është iniciuar rasti për mbajtje në pronësi, kontroll ose posedim të pa autorizuar të armës./arbresh.info/