Në një konferencë për media, zëdhënësja e KEDS-it, Bleona Dallaveraj, tha se të gjithë njehsorët elektrikë të vendosur nga KEDS-i masin energjinë elektrike saktë.

Tutje tha se  në rast të çdo devijimi të mundshëm të gjithë qytetarët do të kompensohen.

“Fillimisht, më lejoni t’ju siguroj që të gjithë njehsorët e vendosur nga KEDS e bëjnë matjen e energjisë elektrike me saktësi. Po ashtu, të gjithë njehsorët janë në përputhje me standardet më të larta evropiane dhe akteve ligjore e nënligjore të Republikës së Kosovës. Devijimet e vërejtura në kohë janë karakteristikë teknike e njohur e orës së njehsorëve elektrikë dhe nuk përfaqësojnë manipulim, siç është pretenduar. Kjo gjë është e sigurt dhe madje mund të vërtetohet.Ne i sigurojmë të gjithë konsumatorët e prekur nga devijimet e mundshme që dalin jashtë normës teknike, se do të kompensohen në mënyrë të plotë, qoftë ajo edhe për centin e fundit”, tha ajo.