Deputeti i Kuvendit të Kosovës nga radhët e AKR-së, Islam Pacolli përmes një postimi ne Facebook, të gjithë qytetarëve të Kosovës ua uron 11 vjetorin e Pavarësisë së Kosovës.

Pacolli ka thënë se 17 Shkurti është ditë feste dhe krenarie për të gjithë ne, dhe jemi krenar për të gjitha të arriturat e Kosovës, të përkrahur nga aleatët Ndërkombëtar – Shtetet e Bashkuara të Amerikës dhe nga Bashkimi Evropian, do të ecim me hapa të sigurt.

Ja postimi i tij në Facebook:

“Falë gjakut të dëshmorëve dhe përpjekjeve shumëvjeçare të popullit të Kosovës për liri dhe pavarësi, 17 shkurti është dite Feste dhe krenarie për të gjithë ne. Sot me rastin e 11 vjetorit të PAVARËSISË, jemi krenar me të arriturat e Kosovës dhe shumë besojmë se me përpjekjen e të gjitha forcave politike brenda Kosovës ,e të ndihmuar dhe të përkrahur nga aleatët Ndërkombëtar- Shtet e Bashkuara të Amerikës dhe Bashkimi Evropian do të ecim me hapa të sigurt drejt horizonteve euro-atlantike dhe mekanizmave tjerë ndërkombëtar dhe do jemi faktorë paqeje, stabiliteti dhe bashkëpunimi ne rajon dhe me gjere. Jam i vetëdijshëm se rruga është e gjatë dhe me sfida, por me vullnetin dhe këmbënguljen tonë do ja dalim. Gëzuar dhe urime gjithë popullit të Kosovës 11 vjetorin e pavarësisë”, ka shkruar Pacolli./Arbresh.info/

Me respekt
Islam Pacolli
Deputet në Kuvendin e Republikës së Kosovës