Kryeministri Albin Kurti, pas mbledhjes së Qeverisë në të cilën u fol për punën 100 ditshin të Qeverisë, ka thënë se ishin 100 dite kthese të zhvillimit, ku janë hedhur hapat e parë të kthesës së zhvillimit dhe shtetit të së drejtës.

“Kemi marrë 20 vendime më shumë se kur ishim në Qeveri në herën e parë. Kemi filluar depolitizimin. Pandeminë e kemi menaxhuar në mënyrën më të mirë të mundshme, sepse e kemi marrë qeverisjen me 17 vdekje në ditë dhe pas 100 ditëve nuk kemi asnjë të vdekur”, tha Kurti.

Ai tha se vendin e kanë gjetur pa asnjë vaksinë kundër Covid-19, ndërsa tash kanë siguruar një numër të madh të vaksinave.
Kryeministri Kurti foli edhe për rritjen ekonomike që sipas tij parashihet rritje prej 7.9 përqind. Ai tha se kanë arritur të kursejnë paranë publike duke anuluar disa kontrata./arbresh.info/