Komisioni Qendror i Zgjedhjeve (KQZ) bën të ditur se ka filluar periudha e aplikimit/regjistrimit për votim përmes postës nga periudha 30 tetor deri më 7 nëntor 2020.

Nga KQZ thonë se janë duke bërë përgatitjet për organizimin e zgjedhjeve të jashtëzakonshme për kryetar në Komunën e Podujevës dhe Mitrovicën Veriut, më 29 nëntor 2020.

“Të gjithë qytetarët e komunave të Podujevës dhe Mitrovicës së Veriut me të drejtë vote që, jetojnë jashtë vendit mund të aplikojnë për regjistrim për të votuar përmes postës”.

“Të gjitha informacionet e detajuara se si të aplikohet për regjistrim janë të publikuara në këtë link: https://ëëë.kqz-ks.org/sherbimet-per-votuesit/votimi-me-poste/”.

“Komisioni Qendror i Zgjedhjeve inkurajon të gjithë qytetarët e komunës së Podujevës dhe Mitrovicës së Veriut me të drejtë vote, që jetojnë jashtë Kosovës dhe që i plotësojnë kriteret ligjore përkatëse – që të shfrytëzojnë të drejtën e tyre për t’u regjistruar si votues jashtë Kosovës dhe pastaj edhe të votojnë për Zgjedhjet e Jashtëzakonshme për Kryetar në Komunën e Podujevës dhe Mitrovicën e Veriut”, thuhet në njoftimin e KQZ-së.