Kryetari i Aleancës për Ardhmërinë e Kosovës, Ramush Haraidnaj pas takimit që ka zhvilluar me kryeministrin e Kosovës, Albin Kurti, tha se kanë diskutuar për dialogun me Serbinë.

Ai është shprehur se mungesa e ShBA-së në dialog është shqetësuese, raporton arbresh.info.

“Patëm një takim. Tema ishte dialogu. Me 6 maj i kom dërgua një letër kryeministrit ku i kom kërkuar takim për të diskutuar rreth dialogut. Vërejtje tona jam të mungesa e SHBA -së në dialog dhe kjo nuk është e mire.Ka konfuzion në agjenda, disa zhvillime prezantohen si agjendë e procesit të Berlinit, çështja e lëvizjes së qytetarëve me Bosnjën. Në rastet tjera si proces teknik shohim se peshën kryesorë e ka Lajçak por që është nivel i ulët i përfaqësimit në agjendë. Duhet të mos kemi befasi dhe të mbesim në ato që na obligon Kushtetuta e vendit”, tha Haradinaj.

Haradinaj tha se Qeveria po u ikë diskutimeve për UÇK-në.

“Pastaj Qeveria ka ikje ne disa raste kur është kërkuar të diskutohet për UÇK-në. Në parlament kemi dy zonja që kanë qenë viktima e luftes dhe për këtë s’duhet të ik Kurti por duhet të ja thotë BE-së”, tha Haradinaj.

Kurti të mërkurën do të takohet me kreun e LDK-së, Lumir Abdixhiku, ndërsa ushtruesi i detyrës së kryetarit të PDK-së, Enver Hoxhaj ka refuzuar ftesën për takim./ V.S/ arbresh.info/