Qeveria e Kosovës sot ka mbajtur mbledhjen e 59 me radhë.

Në këtë mbledhje, ekzekutivi ka miratuar vendimin për ndarjen e mjeteve financiare prej 1.6 milionë euro për ta realizuar kompensimin për angazhimin e zyrtarëve policor në teren, të cilët kanë qenë aktiv dhe të ekspozuar drejtpërdrejt ndaj pandemisë Covid-19, njofton arbresh.info

“Për të realizuar kompensimin për angazhimin e shtuar në terren të zyrtarëve policor aktiv të ekspozuar drejtpërdrejt ndaj pandemisë COVID-19, Qeveria në mbledhjen e sotme ka miratuar vendimin për ndarjen e mjeteve financiare në shumë prej 1.6 milion euro”, thuhet në vendimin e Qeverisë.

Po ashtu është bërë edhe ndarja e mjeteve për personelin aktiv shëndetësorë për tre muaj.

Për personelin shëndetësorë janë ndar 8 milionë euro, ku ndarja e mjeteve bëhet sipas kategorizimit.

Mjekëve u takojnë nga 250 euro, Infermierve nga 150 euro dhe stafit mbështetës-teknik nga 100 euro, njofton arbresh.info

Ndërsa me një vendim tjetër janë ndarë 8 milion euro për kompensimin e shtesave  mujore mbi pagën bazë për personelin aktiv shëndetësor për muajt  janar, shkurt dhe mars të vitit 2021. Ndarja e mjete ve do të bëhet sipas kategorizimit:

1. Kategoria I – mjekë, iu ndahet shtesa prej 250 euro në muaj;
2. Kategoria II – infermierë, iu ndahet shtesa prej 150 euro në muaj dhe
3. Kategoria III – stafi mbështetës – teknik, iu ndahet shtesa prej 100 euro në muaj./arbresh.info/