Komisioni Qendror Zgjedhor ka kryer të gjitha pagesat e trupave zgjedhor të vendvotimeve dhe të stafit teknik të cilët ishin angazhuar me punë në zgjedhjet e 14 shkurtit.

Kjo është bërë e ditur nga Burim Ahmetaj, kryeshef i Sekretariatit të Komisionit Qendror Zgjedhor.

“Tash Sekretariati është duke punuar për pagesat e stafit tek Qendra e Numërimit dhe Rezultateve”, ka thënë ai.

“Sekretariati aktualisht është në fazën e pagesave të trupave zgjedhor të cilët kanë qenë të angazhuar në zgjedhjet e parakohshme të 14 shkurtit. Aktualisht janë kryer të gjitha pagesat e trupave zgjedhor që kanë punuar në vendvotime dhe stafi teknik që kanë punuar në zgjedhjet e fundit. Komunat e fundit për të cilat : Prishtina, Podujeva dhe Prizreni. Tashmë MF-ja do t’i ekzekutojë këto pagesa”, është shprehur Ahmetaj.

Më tutje Ahmetaj konfirmoi se janë duke punuar edhe për pagesat për stafin e QNR-së.

Tutje ai shtoi se tash Sekretariati është duke punuar për pagesat e stafit tek Qendra e Numërimit dhe Rezultateve.