Marrëveshja për targat mes Kosovës dhe Serbisë është mirëpritur nga Britania e Madhe.

Ministri për Evropën, Leo Docherty përmes një postimi në Twitter tha se palët duhet të ulen në tryezë dhe të bisedojnë për normalizim të plotë të marrëdhënieve.

“E mirëpres marrëveshjen ndërmjet Kosovës dhe Serbisë në hapat për uljen e tensioneve. Është jetike që të dyja vendet tani të ulen në tryezë që të bëjnë progres në dialogun e lehtësuar nga BE-ja drejt normalizimit të marrëdhënieve, për të mirën e të gjithë qytetarëve”, ka shkruar ai.

Kujtojmë se mbrëmë është arritur marrëveshja për targat mes Kosovës dhe Serbisë.

Këtë e ka bërë të ditur përfaqësuesi i Bashkimit Evropian për Politikë të Jashtme dhe Siguri, Josep Borrell.

Borrell tha se pala serbe do të ndalojë prodhimin e targave të tjera ilegale deri ajo kosovare do të ndalojë aplikimin e masës së gjobës.

Kryediplomati i BE-së tha se ditëve në vazhdim do ta ftojë Kosovën dhe Serbinë që të ulen dhe të bisedojnë për arritjen e marrëveshjes për normalizimin e marrëdhënieve./arbresh.info/

I welcome agreement between Kosovo and Serbia ????? on steps to reduce tensions. Vital that the two countries now come to the table to make progress in EU-facilitated Dialogue towards normalising their relationship, for the benefit of all their citizens.

— Leo Docherty MP (@LeoDochertyUK) November 24, 2022