Aktivistët e grupit “Asnji Cent Ma Shumë” paralajmërojnë bllokadë tek ZRrE nesër në orën 8

15:44 | 2 Prill 2025
E.K

Zyra e Rregullatorit për Energji (ZRRE) ka reaguar pas protestës së zhvilluar nga aktivistët e grupit “Asnji Cent Ma Shumë” para këtij institucioni, që përfundoi me arrestimin e 12 protestuesve.

Në një njoftim të lëshuar, ZRRE shprehet se respekton të drejtën e qytetarëve për të protestuar në mënyrë paqësore, si një e drejtë e garantuar nga ligjet e Republikës së Kosovës.

Megjithatë, ajo kërkon që protesta të mos pengojë ushtrimin e detyrave të saj konform mandatit të përcaktuar.

Kujtojmë se protestat janë një vazhdim i reagimeve të aktivistëve ndaj rritjes së çmimeve të energjisë.

Tensionet mund të rriten, pasi aktivistët kanë paralajmëruar për bllokada të reja që do të fillojnë nesër në orën 8 të mëngjesit.