Në kuadër të takimeve për fuqizimin e rolit të LDK-së dhe për ndryshimet statutore, të cilat thellojnë demokracinë dhe rrisin përgjegjësinë, degët e Lidhjes Demokratike të Kosovës, nga regjioni i Prishtinës, sot diskutuan dhe propozuan ndryshime statutare. Pjesëmarrësit në këtë takim i dhanë përkrahje të plotë kryeministrit Mustafa, siç thuhet “për zhvillim ekonomik, integrime euroatlantike dhe forcimin e shtetit të së drejtës, duke kundërshtuar fuqishëm dhunën e opozitës ndaj shtetit të Kosoves.”

Sipas komunikatës së LDK-së, diskutimet dhe propozimet do të shërbejnë për realizimin sa më të mirë të programit politik të LDK-së.

Në këtë diskutim të sotëm, përfaqësuesit shpalosën ide rreth procesit zgjedhor të brendshëm, forumit të rinisë, forumit të gruas, rolin e degëve në diasporë dhe shumë elemente tjera, përmes së cilave synohet të fuqizohet Lidhja Demokratike e Kosovës.

Kryeministri i Republikës së Kosovës, njëherësh kryetar i LDK-së, Isa Mustafa, theksoi se Lidhja Demokratike e Kosovës, si parti shtetformuese dhe institucionale, duhet të përgatit veten për dekadën e ardhshme, si periudhë e integrimit Euro-Atlantik, dhe se debatet e tilla si sot, paraqesin pikënisje të shkëlqyeshme për këtë proces.

“Pjesëmarrësit i dhanë përkrahje të plotë Kryeministrit dhe Institucioneve të Kosovës në punën e tyre për zhvillim ekonomik, integrime euroatla ntike dhe forcimin e shtetit të së drejtes, duke kundërshtuar fuqishëm dhunën e opozitës ndaj shtetit të Kosoves. Procesi i debateve për për fuqizimin e rolit të LDK-së dhe ndryshime statutare, do të vazhdoj edhe nëpër regjionet e tjera të Kosovës, dhe do të përmbyllet me një Konventë partiake, ku synohet që këto propozime të miratohen”, thuhet në komunikatë.