Xhavit Zariqi zgjedhet kryetar i AAK-së në Ferizaj

17:14 | 18 Maj 2015
M. A.

Dega e Aleancës për Ardhmërinë e Kosovës në Ferizaj, ka mbajtur të dielën në mbrëmje Kuvendin Zgjedhor. Pas zgjedhjes së Këshillit Drejtues prej 30 anëtarëve, me vota unanime dhe pa asnjë kundër, kryetar i Degës së AAK-së në Ferizaj, u zgjodh Xhavit Zariqi.

Në një njoftim për media të kësaj partie thuhet se në këtë Kuvend u zgjodhën edhe delegatët që do të marrin pjesë në Kuvendin Qendror të AAK-së.

Kryetari i porsazgjedhur, duke falënderuar delegatët për besimin e dhënë, u zotua se do të angazhohet me të gjithë potencialin, në mënyrë që programin e AAK-së ta zbatojë në përpikëri dhe se do të punojë në atë drejtim që kjo parti të gjejë përkrahje edhe më të madhe në Ferizaj.

Kryetari i AAK-së, Ramush Haradinaj, i ka përgëzuar delegatët për organizimin e këtij kuvendi, duke uruar zgjedhje të mira dhe suksese në të ardhmen.