Ndryshimi i klimës në Arktik po dobëson gjithnjë e më shumë drerët e Babagjyshit

22:10 | 13 Dhjetor 2016
Trina Galanxhi

Drerët po bëhen gjithnjë e më të dobët dhe më të vegjël për Babagjyshin. Dhe shkak për ndryshimin e tyre fizik, është bërë ndryshimi i klimës.

Siç është raportuar nga The Guardian, bazuar në një studim të revistës Global Change Biology, për shkak të rritjes së temperaturave, dimri po bëhet gjithnjë e më i vështirë për drerët.

Këto kafshë ushqehen me bimë që gjenden ën dëborë, por rritja e temperaturave bën që të bien më shumë shira dhe për pasojë dëbora ngrin në disa shtresa.

Kështu për rreth 8 muaj, ushqimi mbetet nën masën e madhe të akullit, çka e bën të vështirë ushqyerjen e drerëve.

Hulumtuesit kanë kapur dhe peshuar rreth 135 kafshë në vit, nga 1994-2015, duke vënë në dukje se pesha trupore e tyre është ulur me 12 %, nga 55 në 48 kilogram.