Nga teoria e relativitetit në atë të lumturisë: mësuesi është gjithmonë Albert Ajnshtajni. Të martën, më 24 tetor, dy mesazhe nga një fizikan dhe filozof i njohur gjerman do të nxirren në ankand në Jeruzalem. Mesazhe jo shkencore, por ‘shpirtërore’: “një jetë e qetë dhe modeste sjell më shumë gëzim, se sa një kërkim suksesi me ndërprerje” dhe “Ku ka vullnet, ka edhe mënyrë për ta bërë çdo gjë”, shkruan Bota.al. Ajnshtajni i shkroi ato 95 vjet më parë – në vitin 1922 – gjatë një udhëtimi në Japoni.

Në atë kohë, ai sapo kishte fituar Nobelin dhe fama e tij po rritej. Fizikanti ishte në Hotel Imperial në Tokio dhe mori një mesazh nga një korrier hoteli. Në vend të bakshishit, për të mos e lënë duarbosh, ai shkroi në gjermanisht këto dy parime. “Ndoshta, nëse do të jeni me fat, këta mesazhe do t’ju vlejnë më shumë se një bakshish normal”, i kish thënë Ajnshtajni korrierit, sipas asaj që deklaron shitësi i tyre.

“Ne jemi duke bërë bashkë mozaikun e Ajnshtajnit: njeriu, shkencëtari dhe impaktet e tij mbi botën, përmes shkrimeve të tij, – tha Roni Grosz, arkivist i koleksionit më të madh dedikuar fizikanit dhe filozofit gjerman në Universitetin Hebraik të Jeruzalemit. Dhe kjo është një pjesë e vogël e mozaikut”.