Shala gjatë vizitës lokalitetit arkeologjik premtoi mbështetje të vazhdueshme për arkeologët, nga Ministria që ai drejton.

Objekti që së fundmi është zbuluar nga gërmimet arkeologjike të Institutit Arkeologjik të Kosovës, në fshatin Vrellë të Istogut, thuhet të jetë bazilikë e arkitektit të vonë, diku prej shekullit IV e që mund të ketë mbijetuar deri në shekullin XI.

Tashmë është kryer konservimi i këtij lokaliteti.

Ministri Shala pasi vizitoi sot këtë pjesë, këtë zbulim, njësoj si zbulimet e tjera arkeologjike në Kosovë, e quajti si shumë të rëndësishëm.

Shala tha se të gjitha kërkimet e Institutit Arkeologjik i mbështesin dhe financojnë qind për qind.

Kryetari i Komunës së Istogut, Haki Rugova, i cili shoqëroi ministrin gjatë vizitës, tha se në Vrellë duhet të investohet më shumë. Ai theksoi se ka kërkuar nga ministri që Instituti të ketë më shumë përkrahje.

Me gjithë synimet që ky vend të bëhet turistik, kjo pothuajse nuk është e mundur me gjendjen në të cilën ndodhet tani. Infrastruktura rrugore është e paprekur nga investimet.

Për këtë, Haki Rugova tha se do fillojnë të punojnë. Sipas tij, vitin e ardhshëm do të ketë veprime konkrete në këtë drejtim.

Territori i Komunës së Istogut, njihet si i vendi me trashëgimi të pasur kulturore