Më 8 shkurt hapet ekspozita “Portrete të Skënderbeut”, me vepra nga artistë evropian dhe shqiptarë

16:40 | 3 Shkurt 2022
Përparim Bublaku

Galeria Kombëtare e Kosovës ka njoftuar se më 8 shkurt do të hapet ekspozita së artistit: Prof. Luan Tashi/Portrete të Skënderbeut gjatë shekujve.

Kjo ekspozitë ka të bëjë me hulumtimet shumë vjeçare të portreteve të heroit kombëtarë Gjergj Kastriot- Skënderbeut, ku do të ekspozohen 65 vepra nga artistët evropian dhe shqiptarë si: dorëshkrime, piktura, skulptura, monedha, medalje etj.

Vizitorët e Galerisë Kombëtare të Kosovës për herë të parë do t’i shohin veprat artistike me një cilësi më të lartë. shkruan arbresh.info

Hapja e ekspozitës do të bëhet më datën 8 shkurt 2022, në orën 19:00, dhe do të qëndrojë e hapur për vizita prej deri më 8 Mars 2022, nga ora 10:00 – 18:00, nga e dita e martë deri në ditën e diel. /arbëresh.info/