Arben Llapashtica është fitues i garës së fotografisë “Diversiteti religjioz në Kosovë” e shpallur nga Ambasada e Gjermanisë në Prishtinë.
Në mesin e shumë fotografive që kanë aplikuar, fotografia e Arbenit është përzgjedhur si më e mira.
Në foto shihet një tolerancë fetare në Ferizaj, pasi që në këtë qytet gjenden dy instiucionet fetare afër njëra tjetres, njërën anë xhamia në tjetrën kisha ortodokse.
“Kemi pranuar shumë fotografi të bukura me të cilat artistët kanë konkurruar në garën e fotografisë “Diversiteti religjioz në Kosovë”. Juria jonë e kishte të vështirë të përzgjidhte vetëm njërën prej tyre si fotografi fituese.
Megjithatë, urime për Arben Llapashticën i cili fitoi vendin e parë dhe impresionoi jurinë tonë me aftësitë e tij artistike” – thuhet në një postim të Ambasadës së Gjermanisë në Prishtinë, në Facebook.