Fuqia e filmave për të na çuar nga bota jonë në miliona realitete alternative nuk qëndron vetëm në shfaqjet e aktorëve, por edhe në kostumet, rekuizitat dhe setet që ofrojnë kontekst dhe u japin ngjyrë atyre botëve. Një film i vetëm mediokër mund të ngrihet në nivelet më të mëdha të të gjitha kohërave përmes objekteve të zgjedhura me kujdes që popullojnë historinë, ndërsa një film që përcakton zhanrin mund të kthehet në një dështim në arkë nëse universi i tij del si i pabesueshëm.

Nuk duhet të jetë për t’u habitur atëherë, që disa rekuizita marrin jetën e tyre. Ato bëhen gurë provash kulturore, të dallueshme menjëherë edhe nga ata që nuk e kanë parë kurrë filmin në fjalë. Për të shënuar mënyrën se si këto objekte ndonjëherë të zakonshme, ndonjëherë jashtë kësaj bote kanë përcaktuar kulturën dhe jetët tona, Stacker anketoi historinë e filmit popullor dhe e zgjodhi si një ndër rekuizitat e paharrueshme dhe domethënëse.

Unaza

Filmi: trilogjia “The Lord of the Rings”.

Në një episod të vitit 2015 të “Conan”, aktori i “Lord of the Rings”, Elijah Wood zbuloi se atij i ishte dhënë unaza origjinale për t’i sunduar të gjithë me fillimin e xhirimeve. Ai vazhdoi t’i tregojë Conan O’Brien se ishin bërë rreth 10 unaza për xhirimet, por ku janë pjesa tjetër – në Mordor, apo në gishtin vdekjeprurës të Gollum – është e paqartë. Edhe pse nuk do të ishte jashtë sferës së mundësisë të imagjinohet se regjisori Peter Jackson e ka mbajtur një për vete, pasi ai është një koleksionist i madh i relikeve të filmit./arbresh.info/