Google ADS

Vajza e vogël me duar blu! (FOTO)

10:40 | 11 Mars 2015
Arbresh.info

I ftohti është shkaku kryesor që duart e kësaj vogëlushje nga Britania e Madhe bëhen blu. Ajo është e detyruar të mbajë gjithnjë veshur një palë dorashka speciale për tu mbrojtur nga temperaturat e ulëta, pasi në të kundërt duart e saj bëhen blu.

2–vjeçarja Gracie Hughs vuan nga sindromi Raynaud’s, e cila është një gjendje që krijohet kur enët e gjakut në gjymtyrë janë tepër të ndjeshme ndaj ndryshimit të temperaturës, duke ndërprerë qarkullimin e gjakut.

Sipas Dailymail, në momentin që Gracie bie në kontakt me të ftohtin, gjymtyrët e saj bëhen fillimisht të bardha, si të vdekura, më pas bëhen blu e në fund, kur rinis qarkullimi i gjakut, kthehen të kuqe dhe djegin. Kjo lloj sindrome i shkakton personit dhimbje, mpirje dhe ndjesinë e shpimit.

Pjesa më e madhe pacientëve ia dalin që të jetojnë me këtë sëmundje duke qëndruar gjithnjë në të ngrohtë. Por në rastin e Gracie, sëmundja është kaq e rëndë sa ajo duhet të mbajë gjithnjë veshur një palë dorashka speciale për mbrojtje. /albeu

Shpërndaje në rrjete sociale