10:17 | 11 Mars 2015

Australiani Reg Spiers personi i cili në mungesë të shumës monetare u detyrua që të postonte veten e tij në një kuti prej druri.

Spiers ngeli pa një kacidhe në Londër dhe në mungesë të një bilete për tu kthyer në vendlindjen Adelaide, vendosi ‘të postonte’ veten në një kuti druri me destinacion Australinë.

Ngjarja ka ndodur në vitin 1964, ku 22-vjeçari kampion i hedhjes së shtizës ishte i pashpresë për të mbërritur në shtëpi për ditëlindjen e vajzës së tij. Për këtë ai kërkoi ndihmën e mikut të tij, gjithashtu sportist, John McSorley i cili e ndihmoi për të ndërtuar një kuti druri brenda të cilës Spiers do të mund të kthehej në shtëpi duke udhëtuar në zonën e mallrave të avionit.

McSorley dhe Spiers vendosën që ta etiketojnë kutinë ‘materiale plastike’, që do të dërgoheshin nga një kompani e rreme kimike britanike për një kompani të rreme këpucëve në Perth, Australi.

Ajo që pasoi ishte një udhëtimi makth prej 63 orësh përmes tre kontinenteve ku ai rrezikoi të mbytej nga dehidratimi, por arriti të mbijetonte dhe pas peripecive të tjera në tokë, të mbërrinte në kohë për ditëlindjen e vajzë së tij të vogël. /albeu