Nuk ka bastisje nga EULEX-i, në shtëpinë e Azem Sylës

Hetuesit e Zyrës së Prokurorit të Specializuar aktualisht janë duke kryer operacione në Prishtinë.

Përveç bastisjes në shtëpinë e Jakup Krasniqit, është folur edhe për një bastisje të mundshme në shtëpinë e Azem Syles në fshatin Kishnarek të Drenasit.

Ekipi i Arbresh.info, po qëndron pranë shtëpisë së Sylës, mirëpo gjithçka është dukur e zakonshme dhe se nuk është parë asnjë lëvizje apo bastisje nga ana e zyrtarëve të EULEX-it.

Faton Klinaku nga OVL e UÇK-së, ka thënë se nuk kanë pasur informacione për aksionin që po zhvillohet sot.

Ekipe të arbresh.info po qëndrojnë edhe në shtëpinë e ish-luftëtarit të UÇK-së, dhe ish-kryekuvendarit, Jakup Krasniqi në shtëpinë e tij në Prishtinë, në lagjen Velania, ku nga orët e para të mëngjesit të sotëm ka filluar aksioni i Speciales.

Me sa kemi informacion deri më tani ai është në shtëpi, në Prishtinë./arbresh.info/