Ministrja e Jashtme e Gjermanisë Annalena Baerbock, para disa ditësh ishte për vizitë në Kosovë ku mori pjesë në inaugurimin e parkut të erës në Shalën e Bajgorës.

Baerbock foli për bashkëpunimin mes vendeve të Bashkimit Evropian në fushën e energjetikës ku tha se kriza mund të tejkalohet së bashku nga 27 vendet anëtare dhe vendet fqinje.

Ajo ka ftuar fton investitorët të ndihmojnë Kosovën në furnizim dhe siguri energjetike.

“Qëllimi ynë është dhe vazhdon të jetë që të bëheni kontinenti i parë neutral ndaj klimës. Me këtë duam që të sigurojmë sovranitet energjetik të Bashkimit Evropian. Dhe kjo mund të arrihet vetëm së bashku me 27 vendet anëtare të Bashkimit Evropian, si dhe me vendet fqinje evropiane”.

“Për këtë arsye para disa ditësh isha në Kosovë dhe së bashku me ministren e Energjisë Artane Rizvanolli, të cilës i uroj mirëseardhje të përzemërt sot këtu, ishim në lartësi 1800 metra, në temperatura -12 gradë, në borë ku inauguruam parkun më të madh të erës në Kosovë”.

“Ky park i erës i furnizon me energji 100 mijë amvisëri dhe mbulon deri në 10 për qind të kërkesës së vendit tuaj për energji”.

Ndiqeni fjalimin e ministres së Jashtme të Gjermanisë Annalena Baerbock.