Në komunën e Obiliqit do të bëhet vaksinimi i kafshëve.

Vaksinimi i lopëve, deleve dhe dhive do të bëhet kundër disa sëmundjeve, shkruan arbresh.info.

Kështu bëhet e ditur në njoftimin e bërë publik në faqen zyrtare të Komisionit rregullativ të Prokruimit Publik.

Gjithashtu aty thuhet se për kontratën me titull ‘Vaksinimi i kafshëve kundër sëmundjeve të klostridieve dhe fasciolave, insiminimi artificial i gjedheve , trajtimin e edometrit dhe anestrusit të gjedheve’ është planifikuar të shpenzohet shuma mbi 100 mijë euro ose saktësisht 129.150,00 euro.

Ndërsa në sqarim thuhet se do të vaksinohen mbi 4 mijë lopë, dele dhe dhi.

“Vaksinimi i lopëve, deleve dhe dhive 4020-copë   -Furnizimi me material gjenetik 1500-copë  për më shumë referoju dosjes në tender”, thuhet në njoftim.

Afati i fundit për pranim të tenderëve është 18 mars 2020, në të njëjtën ditë do të bëhet edhe hapja e tenderëve./arbresh.info/