Pak ditë pas marrjes së postit të kryeministrit të Kosovës, Avdullah Hoti ka hapur një konkurs.

Zyra e kryeministrit do të ofroj mundësi për mbajtje të praktikës për një periudhë kohore deri në 6 muaj, shkruan arbresh.info.

Në njoftim thuhet se mund të aplikojnë të gjithë studentët dhe të diplomuar në fushën e drejtësisë, ekonomisë, shkenca sociale, shkenca politike dhe administratë publike.

“Njoftohen të interesuarit, student dhe të diplomuar në fushën e drejtësisë, ekonomisë, shkenca sociale, shkenca politike dhe administratë publike, se mund të bëjnë kërkesë për mbajtje të praktikës në Zyrën e Kryeministrit për një periudhë kohore deri në 6 muaj”, thuhet në njoftim.

Aty janë cekur edhe kushtet që duhet të plotësojnë aplikuesit.

“Kandidatët duhet të kenë aftësi të mira në të shkruar, përgatitjen e prezantimeve të ndryshme si dhe aftësi të mira komunikuese. Gjithashtu, duhet të jenë në gjendje të punojnë të pavarur, por edhe si pjesë e grupeve punuese, të jenë kreativ dhe proaktiv në punë si dhe aftësi të përdorimit të programeve të Microsoft Office”, thuhet më tej në njoftim.

Angazhimi i praktikantëve mundësohet në kuadër të projektit për Përmirësimin dhe Zhvillimin e Politikave që përkrahet nga Ambasada e Suedisë në Kosovë përkatësisht nga Agjencia Suedeze për Bashkëpunim dhe Zhvillim Ndërkombëtar – SIDA./arbresh.info/