Deputeti i Lidhjes Demokratike të Kosovës, Armend Zemaj ka dorëzuar dy amendamente në Komisionin për Buxhet dhe Financa të Kuvendit të Kosovës për buxhetin e vitit 2022.

Zemaj, përmes një postimi në Facebook, ka thënë se njëri amendament ka të bëjë me financimin e qëndrueshëm të specializantëve të lëmisë së mjekësisë, kurse tjetri për fëmijët pacientë me fibrozë cistike.

Postimi i plotë:

Dje, kam dorëzuar dy amandamente të nevojshme në Komisionin Parlamentar për Buxhet dhe Financa për ndarjet buxhetore për vitin 2022.
Amandamenti i parë ka të bëj me financimin e qëndrueshëm të specializantëve të lëmisë së mjeksisë, stomatologjisë dhe psikologjisë klinike, me qëllim të garantimit të cilësisë dhe zhvillimit të vazhdueshëm të kuadrove dhe shërbimeve shëndetësore në vend.
Ndërsa, amandameti i dytë i dedikohet fëmijëve pacientë me Fibrozë Cistike, për ndarjen e buxhetit për sigurimin e medikamenteve të domosdoshme për trajtimin e tyre.
Uroj që anëtarët e Komisionit për Buxhet dhe Financa si dhe deputetët e Paralmentit të Kosovës t’i përkrahin këto dy amandamente të arsyeshme./arbresh.info/