Inspektorati Sanitar i Agjencisë së Ushqimit dhe Veterinarisë (AUV), gjatë inspektimit që i ka bërë regjionit të Ferizajt, të hënë në mbrëmje ka shqiptuar tetë gjoba ndaj  pronarëve të lokaleve të cilët po shkelin masat anti-Covid-19.

Këtë e ka bërë të ditur për gazetën “Epoka e re”, zëdhënësi i Agjencisë së Ushqimit dhe Veterinarisë, Lamir Thaçi.

“Inspektorati i zyrës regjionionale në Ferizaj, në mbrëmjen e së hënës ka shqiptuar 8 gjoba, prej tyre, në Kaçanik janë shqiptuar 6 gjoba, 4 për mos respektim të vendimit, si dhe 4 persona u zunë në  10m katror dhe 2 për mos mbajtje të maskave nga ana e stafit. Në Ferizaj, dy gjoba u shqiptuan për mos respektim të vendimit, 4 persona në 10m katror”, ka bërë të ditur Thaçi.

Ai ka apeluar tek të gjithë qytetarët e besimit islam që të kenë kujdes dhe të respektojnë masat anti-Covid në muajin e ramazanit. “U bëjmë apel të gjithë qytetareve të besimit  Islam qe gjatë mbajtëse së iftarit të respektohen masat anti-Covid. Ne çdo rast duhet te kujdesemi për shendetin publik. Jeta e qytetarëve  është mbi gjithçka”, u shpreh Thaçi.