Pentagoni: Operacionet amerikane në Siri nuk do të ndryshojnë për shkak të pranisë ruse

23:37 | 1 Tetor 2015
Gita

Fillimi i bombardimeve ruse në Siri nuk ka ndryshuar zhvillimin e operacioneve nga ana e SHBA-së dhe aleatëve të saj, konfirmoi sot koloneli, Steve Warren, zëdhënës i ushtrisë amerikane në Bagdad.
“Ne nuk i kemi ndryshuar operacionet tona në Siri për të pasur parasysh prezencën e aktorëve të rinj në fushën e betejës”, deklaroi koloneli Warren në një video-konferencë për median.
“Fakti që nuk ka ende shkëmbim formal informacionesh mes Rusisë dhe SHBA-së mbi operacionet e tyre respektive përfaqëson një rrezik, pasi ka gjithnjë një potencial për gabime ose për aksidente”, vazhdoi zëdhënësi.
“Por pilotët profesionistë kanë teknika, protokolle dhe procedura kur janë në të njëjtën hapësirë ajrore. Dhe pilotët tanë do t’i qëndrojnë protokollit”, theksoi ai.